1. Ekodiseinatutako produktua

Deskargatu PDFan

#ElijoConsumoResponsableMisioan sakontzen hasteko, aztertu behar dugu nola fabrikatu beharko liratekeen produktuak ahalik eta inpaktu negatibo txikiena izateko, bai planetan, bai pertsonengan..

Zer da ekodiseinatutako produktu bat?

Ekodiseinatutako produktu bat ingurumena eta pertsonak errespetatzen dituzten irizpide batzuei jarraiki fabrikatu da.

Ingurumenari buruz hitz egiten dugunean, ahalik eta gutxien kutsatzeaz ari gara, fabrikatzeko erabiltzen diren materialak seguruak eta jasangarriak izateaz; eta pertsonei buruz hitz egiten dugunean, produktu horren kontsumitzaileez ari gara, bai eta haren fabrikazioan parte hartu duten pertsona guztiez ere, haien lan-baldintzak, osasuna eta segurtasuna errespetatuz.

Ekodiseinatutako produktua haren fase guztiak planifikatzetik hasten da: ideiatik eta haren diseinutik, materialen edo lehengaien aukeraketatik, haren fabrikaziotik eta salmenta-punturainoko banatzetik hasi, produktuaren mantentze-lanetatik eta konponketatik igaro eta haren erabilera amaitu eta baliabide aprobetxagarri, birziklatu edo birziklagarri bihurtzen den arte.

1. Plangintza-fasea: Diseinuaren lehen fasean, produktuaren formari eta funtzioei edo ezaugarriei buruzko gogoeta egiten da (birziklatzea errazten duten piezak, produktuaren balio-bizitza luzatzen duten zati edo pieza modularrak).

2. Fabrikazio-fasea: Lehengaien eta materialen aukeraketak jatorri jasangarria izan behar du, eta ez hain kutsagarria; eta behar den gutxieneko kopurua zein den baloratu behar da. Era berean, erabiltzen diren energia-baliabideek ahalik eta gutxien kutsatzen dutenak eta ahalik eta jasangarrienak izan behar dute.

3. Banaketa-fasea: Biltegiratze- eta banaketa-prozesuan, produktu horren ingurumen-aztarna edo -inpaktua minimizatu behar da, CO2 isuriak murriztuta, edo energia berriztagarriak eta gutxiago kutsatzen dutenak erabilita.

4. Erabilera eta kontsumo fasea: Produktuak, kontsumitzaileak erosi ondoren, iraunkorra eta kalitatezkoa izan behar du; eta mantentzea eta konpontzea ahalbidetuko duen bizi-zikloa bermatu behar du.

5. Birziklatze-fasea: Produktuak jada balio ez duenean, haren materialak birziklatzeko eta birmoldatzeko fasean sartzen da; eta baliabide aprobetxagarri, birziklagarri edo birziklatu bihurtzen da.

Oro har, ikuspegi hori egungo kontsumo-moduetan eragina duen jarrera arduratsu eta gogoetatsu batekin lotuta dago, bilakaera ekonomikoa kontuan hartuta: ekonomia lineal batetik ekonomia zirkular batera igaro gara.

Horren helburua da ahalik eta inpaktu txikiena eragitea planetan, erabiltzen diren baliabide energetikoen ikuspegitik (esaterako, materialen hornikuntzaren ikuspegitik); atzean utzi gabe produktuek, erabili ondoren, hondakin bihurtzen direnean, duten eragina.

Ekodiseinatutako produktuek, 5 gako hauen bidez, planetarekin onuragarriagoak diren irtenbideak lortzea dute helburu, eta horiek pertsonen ongizatean eragitea.