Ekodiseinatutako produktuaren gakoak

Deskargatu PDFan

Ekodiseinatutako produktuek haien jasangarritasuna eta inpaktu txikiena bermatzeko jarraibide batzuk bete behar dituzte. Jarraibide horiek honako hauek dira: aldez aurreko diseinua, fabrikazioa, erabilera, banaketa eta salmenta; eta, haien balio-bizitzaren zikloaren ondoren, behar bezala birziklatzen direla ziurtatzea.

Era berean, guk, kontsumitzaile garen aldetik, faktore horiek kontuan hartu behar ditugu, bai ingurumena zaintzeko, bai baliabideen eta kontsumo-prozesuen jasangarritasuna ziurtatzeko. Adibidez, erabili eta botatzeko produktuak, nekez birzikla daitezkeenak edo ingurumenerako kaltegarriak direnak, ez erosiz.

Beraz, ekodiseinatutako produktu batek bost gako edo faktore hauei jarraitu beharko die diseinuan, fabrikazioan eta banaketan:

• Segurua izatea, bai pertsonentzat, bai planetarentzat.
• Iraunkorra eta konpongarria, erresistentea eta kalitatezkoa izatea.
• Ekoizpen arduratsua jarraitzea, bai fabrikatzen duten pertsonentzat, bai planetarentzat.
• Iturri jasangarriak erabiltzea, bai lehengaiak aukeratzean, bai energia berriztagarriak erabiltzean.
• Kontsumoa murrizten eta jasangarriagoak izaten lagunduko duten funtzio eta ezaugarri jasangarriak izatea.

Ekodiseinatutako produktuaren gakoak

1. Segurua

• Segurua pertsonentzat: Bermatzen du ez materialek, ez erabilitako lehengaiek, ez dutela pertsonen segurtasunean eraginik izango, ez fabrikatzaileentzat, ez kontsumitzen dituztenentzat (adibidez, substantzia kimiko arriskutsuak desagerraraziz).
• Segurua ingurumenerako: Hondakinek osasunerako eta ingurumenaren kutsadurarako inolako arriskurik ez dutela bermatzen du.

2. Iraunkorra eta konpongarria

• Bizi-zikloa eta balio-bizitza: Produktuaren osagaiak edo piezak erresistenteak eta kalitatezkoak direla bermatzen du, eta haren erabilera jarraitua eta balio-bizitza ziurtatzen ditu.
• Konpontzeko erraztasuna: Produktua erraz konpon daitekeela bermatzen du, eta ordezko piezak dituela, erabiltzaileak konpondu ahal izateko.

Bizi-zikloa. Erabilera, erabilerarik eza eta berrerabilera.

3. Ekoizpen arduratsua

• Ingurumen-inpaktua murrizten du: Ekoizpen- eta salmenta-faseek ingurumenean ahalik eta eragin txikiena dutela bermatzen du (esaterako, energia berriztagarria erabiltzea produktua fabrikatzeko edo produktua banatu eta saltzeko).
• Fabrikazioan parte hartzen duten pertsonen eskubideak babesten ditu: Produktua fabrikatzen eta banatzen dutenen lan-baldintzak bermatzen ditu, baita produktu horiek fabrikatzen diren eremuetako tokiko ekonomia garatzen laguntzen duten bidezko ekoizpen-baldintzak ere.

GJHei buruzko bideoak

4. Iturri jasangarrietakoak

• Baliabide energetiko ez-kutsatzaileekin fabrikatutakoak: Produktuen ekoizpen- eta banaketa-faseetan energia berriztagarrien eta gutxiago kutsatzen dutenen erabilera bermatzen du.
• Iturri jasangarrietatik datozen lehengaiekin egindakoak: Lehengaiak jasangarriak direla bermatzen du, haien hornidura eta mantentze-lanak bermatzeko.
• Etiketatze ekologikoa/ingurumen arlokoa: Ingurumen arloko zigiluek erabilitako baliabideen eta lehengaien jasangarritasuna bermatzen dute (adib., FSC/PEFC egurra edo kartoia bezalako baso-produktuetarako; OEKO-TEX ehun-gaietarako; etab.)

Garapen Jasangarrirako Helburuak
GJHei buruzko bideoak
5Rei eta 0 hondakinei buruzko bideoak

5. Funtzionaltasun jasangarria

• Teknologia eraginkorreko produktuak: Jasangarriagoak izateko aukera ematen duten produktuak (esaterako, uraren edo argiaren kontsumoa murrizten laguntzen duten egokigailuak edo gailuak, edo etxean energia berriztagarria ekoizteko aukera ematen dutenak, bai eta energia-kontsumo baxua dutenak ere).

Eraginkortasun energetikoaren etiketa berriak (KEE)