2. Ekodiseinatutako produktuaren gakoak

Deskargatu PDFan

Ekodiseinatutako produktuek haien jasangarritasuna eta inpaktu txikiena bermatzeko jarraibide batzuk bete behar dituzte. Jarraibide horiek honako hauek dira: aldez aurreko diseinua, fabrikazioa, erabilera, banaketa eta salmenta; eta, haien balio-bizitzaren zikloaren ondoren, behar bezala birziklatzen direla ziurtatzea.

Era berean, guk, kontsumitzaile garen aldetik, faktore horiek kontuan hartu behar ditugu, bai ingurumena zaintzeko, bai baliabideen eta kontsumo-prozesuen jasangarritasuna ziurtatzeko. Adibidez, erabili eta botatzeko produktuak, nekez birzikla daitezkeenak edo ingurumenerako kaltegarriak direnak, ez erosiz.

Beraz, ekodiseinatutako produktu batek jarduteko bost gako edo ardatz hauei jarraitu beharko die:

• Segurua izatea, bai pertsonentzat, bai planetarentzat.
• Iraunkorra eta konpongarria, erresistentea eta kalitatezkoa izatea.
• Ekoizpen arduratsua jarraitzea, bai fabrikatzen duten pertsonentzat, bai planetarentzat.
• Iturri jasangarriak erabiltzea, bai lehengaiak aukeratzean, bai energia berriztagarriak erabiltzean.
• Kontsumoa murrizten eta jasangarriagoak izaten lagunduko duten funtzio eta ezaugarri jasangarriak izatea.

Ekodiseinatutako produktuaren gakoak

1. Segurua

• Segurua pertsonentzat: Fabrikazioan, bermatzen da ez produktuek, ez horiek osatzen dituzten substantziek, ez dutela eraginik pertsonen segurtasunean, ez fabrikatzen dituztenentzat, ez kontsumitzen dituztenentzat (adibidez, substantzia kimiko arriskutsuak desagerraraziz).
• Segurua ingurumenerako: Fabrikazioan, garraioan eta banaketan, honakoa bermatzen da: hondakinek (enbalajeak, adibidez) osasunerako inolako arriskurik ez dutela, fabrikazio-materialek eta -prozesuek ingurunean ahalik eta inpaktu txikiena izatea eta ingurumena ez kutsatzea.

Produktuen segurtasuna

2. Iraunkorra eta konpongarria

• Irauteko fabrikatzen da: Fabrikazio-prozesuan, produktuaren osagaiak erresistenteak eta kalitatezkoak izatea bermatzen da, programatutako zaharkitzea desagerrarazteko.
• Konpontzen eta mantentzen erraza izateko moduan diseinatzen da: Diseinu-prozesuan, produktua erraz konpondu ahal izatea bermatzen da, eta haren balio-bizitza eta bizi-zikloa luzatuko duten bermeak eta ordezkapen-piezak izatea. Konpontzeko banandu daitezkeen piezak izango ditu; edo erabiltzaileak handitu ditzakeenak, bere kontsumo-beharretara egokitzeko.

Bizi-zikloa. Erabilera, erabilerarik eza eta berrerabilera Zer da zaharkitze programatua? Zaharkitze programatua eta kontsumismoa (EL PAÍS) “Comprar, tirar, comprar” dokumentala (RTVE)

3. Ekoizpen arduratsua

• Ingurumen-inpaktua murrizten du: Produktuen ekoizpen-, logistika- eta banaketa-prozesuetan, ingurumenean ahalik eta eragin txikiena izatea bermatzen da (adibidez, energia berriztagarria fabrikaziorako edo banaketarako erabiltzea).
• Fabrikazioan eta banaketan parte hartzen duten pertsonen eskubideak babesten ditu: Produktuen ekoizpen-, logistika- eta banaketa-prozesuetan, lan-baldintzak eta giza eta lan-eskubideekiko errespetua bermatzen dira; eta produktuak fabrikatzen diren eremuetako tokiko ekonomia garatzen laguntzen duten bidezko ekoizpen-baldintzak bermatzen dira.

15. GJH Lurreko ekosistemen bizitza GJHei buruzko bideoak Produktuen etiketatze ekologikoa

4. Iturri jasangarrietakoak

• Baliabide energetiko ez-kutsatzaileekin fabrikatutakoak: Ekoizpen- eta banaketa-faseetan energia berriztagarrien eta gutxiago kutsatzen dutenen erabilera bermatuz.
• Iturri jasangarrietatik datozen lehengaiekin egindakoak: : Laborantza iraunkorreko lehengaiak erabiliz, horien hornidura bermatzeko.
• Etiketatze ekologikoa / ingurumen arlokoa: Ingurumen arloko zigiluek erabilitako baliabideen eta lehengaien jasangarritasuna bermatzen dute (adib., FSC/PEFC egurra edo kartoia bezalako baso-produktuetarako; OEKO-TEX ehun-gaietarako; etab.).

Garapen Jasangarrirako Helburuak 5Rei eta 0 hondakinei buruzko bideoak

5. Funtzionaltasun jasangarria

• Teknologia eraginkorreko produktuak: Jasangarriagoak izateko aukera ematen duten produktuak (esaterako, uraren edo argiaren kontsumoa murrizten laguntzen duten egokigailuak edo gailuak, edo etxean energia berriztagarria ekoizteko aukera ematen dutenak, bai eta energia-kontsumo baxua dutenak ere).

Eraginkortasun energetikoaren etiketa berriak (KEE)